Manaj do të qëndrojë tek Sivasspori, pritje e jashtëzakonshme nga tifozët

13:06 | 22 Korrik 2024
D.H

Rey Manaj është rikthyer në stërvitje tek Sivasspori.

Sulmuesi shqiptar realizoi 18 gola sezonin e kaluar me këtë skuadër duke qenë golashënuesi i tretë, pas Icardit dhe Dzekos, shkruan Arbresh.info.

Ai u përfol për një transferim të mundshëm drejt Serie A, deri tani duket se asgjë nuk është arritur dhe për momentin lojtari do të bashkohet me Sivassporin.

Sulmuesi njoftoi në rrjetet sociale se do të zbarkonte mbrëmjen e së dielës në aeroportin e Sivasit. Tifozët ishin kujdesur për t’i bërë një pritje speciale, për të nderuar si duhej “yllin” e skuadrës.

Shumë tifozë brohoritën emrin e Manajt, duke dhuruar spektakël me flakadanë. Për t’i dhuruar mirëseardhjen sulmuesit të kombëtares së Shqipërisë.

Kujtojmë se 26-vjeçari shënoi 18 gola në kampionat dhe 4 në Kupën e Turqisë.

Shpërndaje në rrjete sociale

Lajmet më të lexuara

Të ngjashme

Foto lajm