Man United preferon Juventusin për marrëveshjen huazimi për Martial para Sevillas

23:52 | 21 Janar 2022
Lorik Gerbeshi

Manchester United aktualisht preferon ta dërgojë Anthony Martial në huazim te Juventusi sesa ta huazojë atë te Sevilla.

“Marco Conterio” ka raportuar se Martial kryeson listën e opsioneve të sulmuesve të Juventusit për këtë muaj dhe lojtari i ka thënë ‘po’ Juventusit, bisedimet që përfshijnë Man United dhe Juve janë ende në vazhdim.

United kërkon 5 milionë euro për marrëveshjen e huazimit dhe dëshiron që Juve të paguajë pagën e plotë, por bardhezinjët duan kushte të reduktuara në të paktën një nga dy frontet.

Sevilla nuk është dorëzuar ende dhe Martial do të jetë i lumtur t’i bashkohet gjithashtu. Klubi spanjoll do të bëjë një përpjekje të re këtë javë, por nuk mund të paguajë tarifën e huazimit apo pagën e plotë të francezit.

Martial dëshiron të jetë i rregullt në klubin e huazuar dhe ai mendon se Sevilla do t’i japë atij më shumë një shans për këtë sesa Juve, por për arsye financiare, United preferon të huazojë atë te Juventus./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm