Man City fiton garën për talentin argjentinas, zbulohen detaje

11:39 | 24 Janar 2022
Lorik Gerbeshi

Julian Alvarez është një nga talentët më të mëdhenj të futbollit argjentinas. 21-vjeçari luan me ekipin e parë të River Plate prej vitit 2019 dhe deri tani ka shënuar 36 gola.

Shumë klube evropiane garojnë prej kohësh për shërbimet e lojtarit latin, por garën e ka fituar Manchester City. “90min” raporton se kampionët e Anglisë kanë arritur akordin me “Los Millonarios”.

Dy klubet kanë rënë dakord për një shumë rreth 20 milionë paund, me Alvarez që do të transferohet nën urdhërat e Pep Guardiolës për të provuar aventurën e parë në futbollin evropian.

Alvarez mund të luajnë në majë edhe në krahët e repartit ofensiv. Ai debutoi qershorin e vitit të kaluar në Kombëtaren e Argjentinës, fanellën e së cilës e ka veshur pesë herë deri tani.

Shpërndaje në rrjete sociale

Lajmet më të lexuara

Të ngjashme

Foto lajm