Malmo ka mposhtur Dritën me rezultat 0 me 3 , takim i vlefshëm për kualifikime të Ligës së Kampionëve.

Drita në minutat e parë kishte një dominim të lehtë, duke rrezikuar disa herë portën e kundërshtarit. Megjithatë, kampioni sudez arriti të shënojë i pari në këtë takim, shkruan portali arbresh.info.

Malmo kaloi në epërsi në minutën e 13-të, nëpërmjet sulmuesit, Carlos Strandberg, i cili shënoi me lehtësi. Pas këtij momenti, Drita tentoi të barazonte rezultatin nëpërmjet, Haxhi Neziraj.

Në minutën e 30-të, portieri i Dritës, Leutrim Rexhepi, bëri një pritje bravoroze për ta shpëtuar golin e “sigurtë” të Malmos. Por, Drita nuk u dorëzua dhe tentoi ta shënonte golin e barazimit kur Betim Haxhi Musa, rrezikoi me kokë portën e Malmos.

Malmo deri në fund të pjesës së parë, arriti të dyfishojë epërsinë.

Rezultati i pjesës së parë 0 me 2.

Në pjesën e dytë, loja ishte më e qetë, me një Dritë, që ishte në kërkim të golit të parë.

Liridon Leci kishte mundësinë për të shënuar, por goditja e tij nga gjuajtja e lirë u bllokua nga barrikada e Malmos.

Drita kërkoi një penallti kur goditja e Shabanit, u bllokua nga mbrojtësi Behrang Safari, por gjyqtari kryesor i ndeshjes nga Sllovakia, Boris Marhefka, nuk vendosi për penallti.

Malmo golin e tretë e arriti në minutën e 82-të, pas një aksioni që nuk premtoi shumë.

Golin e shënoi kapiteni, Markus Rosenberg, për rezultatin 0 me 3.

Me këtë rezultat ndeshja përfundoi në favor të kampionit suedez.

Ndeshja e kthimit do të zhvillohet javën e ardhshme, në Suedi. /arbresh.info/