“Makthi” i Champions Legaue, një i vdekur dhe afër 100 të arrestuar pas përleshjeve në Greqi

10:15 | 8 Gusht 2023
Orgesa Haziri

Një mbështetës grek i klubit të futbollit AEK Athinë është vrarë me thikë gjatë natës pas përleshjeve të tifozëve.

Sipas policisë lokale përleshjet e dhunshme midis “Ultrasve” çuan në afro 100 arrestime, transmeto Arbresh.info.

Mes të plagosurve është edhe një i mitur i cili është goditur me gur në kokë, tha televizioni publik ERT.

Ata janë ende në spital.

Derisa, sipas policisë, viktima 22-vjeçare e plagosur me thikë u shtrua në spital para se t’i dorëzohej plagëve të marra gjatë natës.

Përleshje shpërthyen në periferi të kryeqytetit grek mes tifozëve të AEK-ut dhe tifozëve të klubit kroat Dinamo Zagreb.

Përleshjet e dhunshme lanë të paktën tetë persona të plagosur, tre grekë dhe pesë kroatë.

Ndeshja e parë e parakualifikuese në Champions League do të zhvillohet të martën në mbrëmje në stadiumin AEK në Nea Filadelfia, një periferi e Athinës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm