Diplomacia dhe politika janë pjesë e skenarit që pritet të ndikojë në të ardhmen e Kylian Mbappe. Vazhdimësia e tij në Paris jo vetëm që vazhdon të gjenerojë dëshpërim te PSG, por është edhe një çështje debati në nivelet më të larta të Republikës Franceze. Pothuajse shtetërore. Nga Franca theksojnë se Emmanuel Macron vazhdon të tregojë në kanalet e tij se do të donte që Mbappe të nisë të ndërtojë kandidaturën e tij për Topin e Artë 2022, duke qëndruar në Francë.

Paraardhësi i tij në detyrë, Nicolas Sarkozy, ishte një nga të ftuarit në “Parc des Princes” të martën e kaluar, ku edhe loboi që Mbappe të zgjaste qëndrimin e tij. Një lëvizje që nënkupton se nuk shqetësohet më shumë për skuadrën franceze se sa për Ligue1.

Ky interes për të ‘ruajtur’ xhevahirin e madh francez nuk është gjë e re. Në qershor 2021, në prag të Kampionatit Evropian, Macron u shpreh: “PSG është një klub i madh që ka mundur ta bëjë atë të rritet dhe mendoj se është e rëndësishme që ai të qëndrojë në atë ekip. Për klubin dhe për kampionatin francez”.

Mbappe është imazhi i Ligue 1 jashtë kufijve francezë dhe ai që para kalimit atje të Messit, ka ruajtur interesin për atë kompeticion.

Pozicionet pak a shumë të fshehta politike (me raste vetë Macron e ka pranuar se nuk do t’i bënte kurrë presion një futbollisti që të mos largohej nga vendi) iu shtuan përpjekjes së re dhe “agresive” të PSG-së për ta bërë Mbappen të kthejë 180 gradë në rrugën që e çoi në Real Madrid./supersport/