Luka Modric refuzon largimin, dëshiron të mbetet te Real-i

15:39 | 2 Prill 2020
Arbresh Info

Mesfushori i Real Madrid, Luka Modric nuk dëshiron të largohet në verë.

Kroati në kohën e fundit ishte i lidhur me largimin nga “Mbretërit” sepse kishte refuzuar ta rinovojë kontratën edhe për një vit, transmeton portali arbresh.info.

Gjiganti italian, Inter Milan ishte favoriti për transferimin e 34-vjeçarit, mirëpo sipas Diario AS, Modric ka refuzuar të largohet ngase dëshiron të jetë edhe për një sezon në “Santiago Bernabeu”.

Ish ylli i Tottenham dëshiron të qëndrojë edhe për një vit te Real-i, pastaj të transferohet në skuadrën e David Backham, Inter Miami.

Modric këtë sezon ka humbur pozitën në formacionin e parë, pas tetë viteve të suksesshme në klub.

Kroati ka bërë më shumë se 300 paraqitje duke fituar një La Liga dhe katër herë Ligën e Kampionëve./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm