Luka Modric me sy të mavijosur shfaqet në rrjete sociale

19:19 | 22 Janar 2019
Arbresh Info

Luka Modric ka mbetur me një sy të mavijosur pas përplasjes në kokë me Franco Vazquezin e Sevillas gjatë vikendit.

Modric u përplas me reprezentuesin argjentinas në minutën e 38′ të ndeshjes së fituar me rezultat 2 me 0 të Real Madridit në kuadër të La Ligas në Bernabeu, transmeton portali arbresh.info.

Fatmirësisht, të dy lojtarët qëndruan në fushë dhe madje mesfushori kroat shënoi gol në minutat shtesë të ndeshjes për t’i siguruar një fitore bindëse ‘Los Blancos’.

Stilisti i flokëve Miguel Siero ka postuar në rrjete sociale dy ditë pas ndeshje një foto që shfaq Modricin me një stil të ri.

“Një foto selfie me shokun tim Luka Modric”, ka shkruar Siero në Instagram. “Një sy i mavijosur mirë. Shpresojmë të kalojë së shpejti”

Në këtë foto, pjesa e mavijosur e fituesit të Topit të Artë është e qartë në syrin e tij të majtë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm