Ish-futbollisti i njohur i Barcelonës dhe Interit, Luis Suarez, që ka bërë karrierë në vitet 60-të  dhe 70-të të shekullit të kaluar, ka ta folur për mesfushorin brazilianin Arthur Melo.

Juve e ka vendosur në vendin e parë në listën e tyre të blerjeve braziliani, ndërsa duan ta largojnë Miraljem Pjanic.

Luis Suarez nuk mendon se braziliani vlen aq shumë sa që flitet për për dhe këtë e ka thënë në një intervistë për SER Catalunya.

“Arthur nuk ka bërë asgjë akoma. Në Itali njerëzit po flasin për të sikurse për Pelen të arrinte në Serie A. Por a e kanë parë ndonjëherë si luan?”, ka thënë ai.

Ylli i dikurshëm i Barcelonës dhe Interit, ka bërënjë krahasim mes tij dhe Carles Alenas.

“Alena nuk mund të bënte të njëjtat gjëra? Nëse një lojtar vjen nga jashtë duhet të luajë në një nivel të lartë”.

“Kur Arthur shënoi një gol ata e festuan atë sikur të kishte shënuar 18 gola”.

“Ndonjëherë lojtarët blihen vetëm sepse janë brazilianë, por për të qenë brazilian duhet të luani më mirë”, ka thënë ai. /Telegrafi/