Pas kombëtares franceze është një paraqitje e pasuksesshme në Kampionatin Evropian “Gjermani 2024”, e cila mund të jetë e fundit për sulmuesin anësor Kingsley Coman.
Sipas gazetës L’equipe, Coman po mendon seriozisht t’i japë fund karrierës së tij ndërkombëtare, pasi ai ishte thellësisht i prekur nga koha e kufizuar e lojës që trajneri Didier Deschamps i dha atij në Euro 2024.
Gjithashtu, L’equipe shkruan se Coman nuk e ka pasur asnjëherë synimin për të luajtur futboll në nivel profesional për një kohë të gjatë dhe situata në Euro 2024 e ka sjellë edhe më afër pensionit, të paktën nga kombëtarja.
Coman nuk do të ishte reprezentuesi i parë francez që i vari këpucët në nivel ndërkombëtar në moshë të re, pasi të njëjtën gjë e bëri edhe Raphael Varane.
Varane e mbylli karrierën e tij në kombëtare në moshën 29-vjeçare, menjëherë pasi Franca humbi nga Argjentina në finalen e Kupës së Botës në Katar në vitin 2022.
Coman aktualisht luan për Bayern Munich, anëtar i të cilit është që nga viti 2017, kur erdhi nga Juventusi me një transferim prej 21 milionë eurosh dhe u rrit në Paris Saint Germain. Ai ka luajtur 57 herë për ‘Gjelat’. /Telegrafi/
Ku mos mu HUTU me BLACK FRIDAY Artmotion
FSK testoi kapacitetet e komunikimit C4I
Si shkak i erërave të forta vazhdojnë problemet me energji
Driloni befason Drenushën me deklaratë: 15 vjet diferencë në...
Aksident mes një motoçiklete dhe një veture në Prishtinë, lë...
Hoti: Të fokusohemi në ekonominë e vendit, është humbur shum...
Skip to content
