Google ADS

Lonisa Reka afër medaljes historike në Botërorin U17 të mundjes

21:06 | 2 Gusht 2023
KRG

Lonisa Reka është pranë medaljes historike për mundjen e Kosovës. Ajo po e përfaqëson Kosovën në Kampionatin Botëror U17 në mundje.

Botërori po mbahet në Stamboll të Turqisë, ndërsa Lonisa e nisi të mërkurën garimin në kategorinë deri 49 kilogramë. Në xhiron e parë e mposhti mundësen e Gjermanisë, Eleni Zagliveri.

Ndaj saj fitoi me ndërprerje, përkatësisht me rezultatin 7:4. Me fitore, Lonisa siguroi kalimin në çerekfinale.

Përballë në luftën e dytë e kishte rusen Sviatlana Katenka, që garon si e pavarur.

Katenka shfaqi më shumë dhe fitoi 12:2.

Mundësja ruse e kaloi edhe gjysmëfinalen, duke fituar 10:1 ndaj amerikanes Heather Marie Crull. Kështu e tërhoqi në repesazh Lonisa Rekën.

Të enjten Lonisa Reka e Heather Marie Crull përballen për medalje të bronztë.

Në finale, Katenka përballet me një mundëse nga Japonia. Medalja eventuale në Botëror do të ishte sukses shumë i madh për mundjen kosovare. Lonisa Reka është Shpresë Olimpike 2023.

Shpërndaje në rrjete sociale

Lajmet më të lexuara

Të ngjashme

Foto lajm