Lojtari më i mirë i Bullgarisë mungon në ndeshjen ndaj Kosovës

09:43 | 20 Mars 2019
Arbresh Info

Mungesa e lojtarit më të mirë të Bullgarisë për ndeshjen kundër Kosovës është konfirmuar në orët e para të mëngjesit.

I shpallur si Lojtari më i Mirë në Bullgari në vitin 2018, Kiril Despodov do të humbas dy ndeshjet mjaftë të rëndësishme në kuadër të kualifikimeve për Euro 2020, shkruan portali arbresh.info.

Despodov nuk do të jetë në dispozicion për ndeshjen kundër Malit të Zi dhe kundër kombëtares sonë si pasojë e lëndimit.

Sulmuesi 22-vjeçar nuk ka arritur të rikuperohet në kohë nga lëndimi dhe është larguar nga kampi stërvitor.

Mungesa e anësorit të Cagliarit do të jetë një goditje e madhe ndaj shpresave të Bullgarisë, por një lajm mjaftë pozitiv për skuadrën nën udhëheqjen e Bernard Challandes.

Ndeshja mes Bullgarisë dhe Kosovës zhvillohet në fillim të javës së ardhshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm