Unai Emery iu ka kërkuar lojtarëve të Arsenalit të votojnë për ta zgjedhur kapitenin e parapëlqyer, shiritin e të cilit e ka mbajtur Granit Xhaka deri tani këtë sezon.
Trajneri spanjoll, që e mori drejtimin e Arsenalit në verën e vitit 2018, i kishte përzgjedhur pesë futbollistë për shiritin e kapitenit, por shumica prej tyre nuk janë më pjesë e klubit, pasi Laurent Koscielny, Petr Cech dhe Aaron Ramsey janë larguar tashmë gjatë verës.
Granit Xhaka – mesfushori nga Kosova i Kombëtares së Zvicrës – e ka mbartur shiritin e kapitenit për “Topçinjtë” deri tani këtë sezon në Premierligë, por ende nuk e ka dëshmuar veten në këtë rol, pasi edhe tifozët e vet e fishkëllyen gjatë fitores së Arsenalit kundër Aston Villas në fundjavë.
Ndërsa, i pesti në listën e kapitenëve të Emery, Mesut Ozil, është ende pjesë e klubit por jo titullar i rregullt.
Mbrojtësi Rob Holding, i cili e mori shiritin e kapitenit pasi Ozil u zëvendësua në fitoren e Arsenalit 5:0 kundër Nottingham Forest në Carabao Cup, ka zbuluar se Emery e ka hedhur në votim shiritin e kapitenit.
“Atij i pëlqejnë pesë kapitenët e tij. Votuam javën e kaluar, prandaj do ta shohim se çfarë ndodh dhe kush emërohet kapiten”, zbuloi Holding.
“Ne i shkruam emrat në letër dhe ia dorëzuam trajnerit”, shtoi ai. /Gazeta Express/
Nis konferenca për demaskimin e korrupsionit organizuar nga ...
Ripërsërit Vuçiq: Nuk do të heqim dorë kurrë nga Kosova
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...
Sulmet turke raportohet se kanë vrarë 27 civilë në Siri