Liverpooli vazhdon garën për Thomas Strakoshan

16:39 | 23 Qershor 2018
Arbresh Info

Liverpooli vazhdon garën e tyre për portierin e Lazios, Thomas Strakoshan, pas një raporti se kanë ofruar 30 milionë euro plus bonuse.

Bazuar në ‘Daily Mirror’, skuadra në Premierë Ligë është e bindur që Strakosha është shënjestra e tyre kryesore, transmeton portali arbresh.info. Reprezentuesi 23-vjeçar i Shqipërisë ka qenë përzgjedhja e parë në Stadio Olimpico gjatë dy sezoneve.

Raportohet që oferta aktuale tani është 30 milionë euro, por me bonuse mund të arrihet në çmimin e kërkuar prej 35 milionë euro.

Strakosha është nën kontratë deri në qershor të vitit 2020 dhe është bërë pjesë e skuadrës italiane përmes akademisë së tyre të të rinjve.

Strakosha i ka kushtuar 75 mijë euro Lazios për transferim nga Panionios në vitin 2012./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm