Google ADS

Liverpooli mendon transferimin e Jasper Cillessen?

17:12 | 30 Maj 2018
Arbresh Info

Portieri i Barcelonës, Jasper Cillessen raportohet se është shfaqur si një shënjestër e mundshme për transferim e Liverpoolit.

Loris Karius aktualisht është përzgjedhja e parë e Jurgen Klopp në Anfield, por pas dy gabimeve në finalen e së shtunës në Ligë të Kampionëve, e ardhmja e gjermanit në Anfield duket e paqartë, transmeton portali arbresh.info.

Liverpooli është përfolur shumë rreth transferimit të Alissonit të Romas, por sipas një raporti nga ‘Mundo Deportivo’, Cillessen është gjithashtu një opsion për skuadrën e madhe angleze.

Reprezentuesi holandez ka shpenzuar dy sezonet e fundit në Camp Nou, por ish lojtari i Ajaxit vlerësohet si rezervë nga trajneri Ernesto Valverde dhe ka bërë vetëm dy paraqitje në La Liga që nga gushti i vitit 2016.

Barcelona thuhet se është kundër shitjes së Cillessen, por holandezi ka një klauzolë të blerjes prej 60 milionë euro në kontratën e tij, e cila ka edhe tri vite në dispozicion./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm