Liverpooli gati ta paguajë klauzolën e Zubimendit – lojtarin tani duhet të vendos për të ardhmen

17:57 | 7 Gusht 2024
E.G

Mesfushori i Real Sociedad, Martin Zubimendi, ka qenë në shënjestër të një sërë klubesh të mëdha në vitet e fundit, dhe deri më tani asnjë prej tyre nuk ka qenë mjaft tërheqës për ta tunduar atë larg nga San Sebastian.

Liverpool do të jetë i fundit që do të provojë ta largojë nga klubi i fëmijërisë.

Media të shumta raportuan të mërkurën se Liverpool do të hapte bisedimet me Real Sociedadin dhe Zubimendin për një lëvizje.

Reds do të duhet të aktivizojnë klauzolën e tij të lirimit prej 60 milionë euro, për të pasur pastaj shpresë për nënshkrimin e tij, pasi ai ka edhe tre vjet të mbetur në kontratën e tij.

Largimi i Zubimendit nuk duket i lehtë, pasi ka edhe media që shkruajnë se ai i ka ka thënë menaxherit se nuk ishte i interesuar për një kalim në Ligën Premier, pasi interesohej edhe Manchester United.

Tani nëse Liverpooli vendos ta paguajë klauzolën, lojtari duhet të vendos njëherë e mirë për të ardhmen e tij. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm