Liverpooli fiton me rikthim ndaj LASK në Europa League

20:42 | 21 Shtator 2023
KRG

Liveprooli ka shënuar fitore si mysafir i LASK me rezultat 3-1 në ndeshjen e parë të fazës së grupeve të Ligës së Evropës.

Vendasit e nisën shumë mirë ndeshjen duke shënuar që në rastin e parë të mirë me Florian Flecker që realizoi një super gol.

Pjesa e parë ka mundur të sjellë edhe gola të tjerë, por portieri mohuan këtë gjë.

Më të filluar pjesa e dytë, Liverpooli shtoi forcat drejt sulmit dhe nuk vonoi goli.

Në minutën e 55-të të besuarit e Jurgen Klopp fituan penallti, ndërsa nga pika e bardhë ishte i saktë Darwin Nunez për 1-1.

Liverpooli mori epërsinë në minutën e 63-të, kur Ryan Gravenberch asistoi te Luis Diaz që shënoi nga afër për 2-1.

Krejt në fund shënoi edhe Mohamed Salah pas një sllallomi në zonën e LASK për 3-1.

Deri në fund nuk kishte më gola dhe Liverpooli mori tre pikët e para në ndeshjen e parë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm