Liverpool nuk ka bërë ofertë për Thiago, por lojtari dëshiron largimin

16:28 | 23 Korrik 2020
Arditë Shkodra

Thiago Alcantara vazhdon të jetë në qendër të vëmendjes, para merkatos së verës.

Ylli spanjoll, Thiago Alcantara, i cili aktivizohet me skuadrën e Bayern Munich, lidhet me një largim të mundshëm nga ‘Allianz Arena’.

Mesfushori tash e sa kohë po lidhet me një kalim të mundshëm te Liverpool, por këta të fundit duket të mos kenë bërë akoma hapa konkret drejt tij.

Këtë e ka konfirmuar edhe shefi ekzekutiv i Bayern Munich, Karl Heinz Rummenigge.

“Hasan (Salihamidzic) ka pasur bisedime me Thiagon. Ato ishin gjithmonë pozitive, por Thiago i kishte thënë Hasanit kohë më parë se ai dëshiron diçka të re për fundin e karrierës”, ka thënë Rummenigge, transmeton lajmi.net.

“Deri më tani, asnjë klub nuk ka kontaktuar me ne. Nuk e dimë nese ai ka rregulluar gjërat me ndonjë klub të ri”, ishin fjalët e shefit ekzekutiv të Bayern.

Thiago Alcantara pëlqehet shumë nga trajneri i Liverpool, Jurgen Klopp, dhe një bashkim i tyre te Liverpool ka shumë mundësi të ndodh gjatë kësaj vere.

Shpërndaje në rrjete sociale

Lajmet më të lexuara

Të ngjashme

Foto lajm