Liverpool mbyll pjesën e parë pa gola – Salah humb penalltinë me Liverpool në ligë pas katër vitesh

21:57 | 28 Dhjetor 2021
KRG

Leicesteri dhe Liverpooli kanë mbyllur 45 minutëshin e parë pa gola.

‘Të Kuqtë’ kishin një shans të artë për të kaluar në epërsi kur u akordua penallti për mysafirët në minutën e 15-të.

Sidoqoftë, në pikën e bardhë gaboi egjiptiani Salah i cili gjuajti në anën djathtë të portierit dhe në fakt topi i’u rikthye sërish atij por që goditja e tij me kokë përfundoi në shtyllën e lartë.

Për më shum shikoni rastin: Video

Egjiptiani mbylli një ecuri prej 15 shënimeve radhazi në kompeticion nga pika e bardhë, me penalltinë e humbur që datonte para katër viteve ndaj Huddersfield në 2017.

Kasper Schmeichel bëhet vetëm portieri i dytë që shpëton një penallti të Mo Salah në Premier Ligë pas Jonas Lossl në 2017.

Në fakt nuk ishte kohë e gjatë kur Salah humbi një penallti për ‘Të Kuqtë’, mirëpo ajo erdhi në Ligën e Kampionëve, në fitoren 3-2 ndaj Milanit më 15 shtator, rrjedhimisht Salah ka humbur tre penallti në total për klubin anglez që nga ardhja e tij në Liverpool.

 

Shpërndaje në rrjete sociale

Lajmet më të lexuara

Të ngjashme

Foto lajm