Google ADS

Liverpool dhe Man Utd derbi edhe për transferimin e Patson Dakas

21:48 | 7 Janar 2021
A. B.

Liverpool dhe Manchester United janë dy skuadrat që po e ndajnë vendin e parë në Ligën Premier.

Dy ekipet rivale me njëra tjetrën prej vitesh kanë një derbi edhe në tregun e transferimeve.

Sulmuesi afrikan i Red Bull Salzburg, Patson Daka është në listën e dëshirave te të dyja skuadrat.

22-vjeçari po konsiderohet si ‘Haalandi i ri’, pasi ka shkëlqyer me fanellën e gjigantit austriak.

Daka në 17 ndeshje ka shënuar 15 gola dhe ka bërë dy asistime duke zgjuar interesimin e skuadrave të mëdha.

Mediat angleze kanë raportuar se The Reds dhe Djajtë e Kuq janë dy që duan qysh në afatin kalimtar të janarit transferimin e lojtarit.

Salzburg synon që nga shitja e ‘xhevahirit’ të tyre të fitojnë rreth 20 milionë euro, shumë që nuk përbënë problem për ekipet angleze.

Gjithsesi vlen të përmendet që interesim për lojtarin kanë shprehur edhe skuadrat tjera të mëdha angleze si Arsenal, Man City e Tottenham Hotspur, por Liverpool e Man Utd mbesin ekipet favorite. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm