Lionel Messi theu tri rekorde sonte në Ligë të Kampionëve

23:20 | 18 Shtator 2018
Arbresh Info

Lionel Messi është bërë pjesë e historisë në Ligë të Kampionëve.

Superylli i Barcelonës ka arritur mbrëmjen e sotme (e martë) të shkruaj emrin e tij në histori të kompeticionit më të madh evropian, shkruan portali arbresh.info.

Fituesi i pesëfishtë i Topit të Artë është bërë lojtari që ka realizuar më së shumti hat-trick’a në histori të këtij kompeticioni.

Sulmuesi argjentinas realizoi tri gola në takimin e sotëm të gjigantit katalunas kundër skuadrës holandeze PSV-së duke u bërë kështu pjesë e historisë së Ligës së Kampionëve.

Messi ka prapa emrit të tij 8 hat-trick’a, një më shumë se rivali i tij i përbetuar – Cristiano Ronaldo.

31-vjeçari është bërë gjithashtu lojtari i parë në histori të Ligës së Kampionëve që ka shënuar në 14 sezone radhazi në Ligë të Kampionëve për të njëjtin klub.

Po ashtu, Lionel Messi është tani lojtari që ka shënuar më së shumti gola në fazat grupore në histori të këtij kompeticioni (63), tri më shumë se Cristiano Ronaldo (60)./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm