Google ADS

Lionel Messi “optimist” për ndeshjen kundër Spanjës

21:42 | 24 Mars 2018
Arbresh Info

Ylli i Barcelonës dhe Argjentinës, Lionel Messi thotë se është “optimist” për ndeshjen e Spanjës të martën, pavarësisht se është në mungesë të përgatitjeve.

Messi mungoi në fitoren 2 me 0 të Argjentinës kundër Italisë të premten për shkak të një dhimbje në kofshë dhe “Albiceleste” ka konfirmuar në faqen e tyre zyrtare në rrjetin social Twitter se lojtari ka anashkaluar stërvitjet të nesërmen duke bërë një punë “rigjeneruese” në vend të tyre, transmeton portali arbresh.info.

“Jam stërvitur normalisht dhe nuk kam ndier dhimbje, por ekziston ende një shqetësim prandaj ne kemi vendosur që kjo ishte gjëja më e mirë, për të sqaruar gjithçka rreth asaj që do të vije”, ka thënë bartësi i fanellës me numër 10.

“Ndihem optimist për të martën. Dua me të vërtetë të luaj”

Miqësorja e së martës zhvillohet në stadiumin Wanda Metropolitano të Atletico Madridit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm