Yjet e Barcelonës nuk janë të lumtur me presidentin e klubit Jose Maria Bartomeu për shkak të dështimit të skuadrës për ri-nënshkrimin me Neymarin.
Sulmuesi i Paris Saint Germain, Neymar dëshiron të rikthehet në Barcelonë gjatë këtij afati kalimtar veror, transmeton portali arbresh.info. Por, ai duket se është i shqetësuar që dy klubet nuk do të jenë në gjendje për të arritur një marrëveshje.
Tani, gazeta spanjolle Marca raporton se anëtarët e zhveshtores në Camp Nou janë të pakënaqur me presidentin e klubit Bartomeu si pasojë e dy ofertave të dështuara deri tani.
Barcelonës i janë refuzuar dy oferta për superyllin dhe të dyja kanë qenë për huazimin e tij me opsionin për blerje.
PSG dëshiron para të gatshme për shkak se kanë në plan të shfrytëzojnë më pas ato fonde për nënshkrimin me sulmuesin e Juventusit, Paulo Dybalan.
Derisa kanë mbetur edhe një javë deri në mbylljen e afatit kalimtar për klubet evropiane, Bartomeu ka një punë të vështirë para vetës ndonëse PSG dëshiron të shes lojtarin e tyre, transmeton portali arbresh.info.
Gjiganti katalunas ka një raport jo të mirë me PSG-në si pasojë e marrëveshjes së vitit 2017 kur ata rrëmbyen Neymarin në Francë. Pavarësisht se iu ka thënë lojtarëve të tij se do të bëjë gjithçka në fuqitë e tij për nënshkrimin me Neymar, Bartomeu nuk është më i dashur për skuadrën pas dy ofertave të dështuara.
Lionel Messi raportohet të jetë i pakënaqur me situatën dhe dëshiron që Neymar të transferohet.
Raporti nga Marca pretendon se Messi e sheh Neymarin si pjesë kryesore të shanseve të tyre për të fituar Ligën e Kampionëve vitin e ardhshëm./arbresh.info/
Ngritet aktakuzë ndaj 16 personave për krim të organizuar
Trepça sonte kërkon fitoren e parë në Fiba Europe Cup
Osmani përmbyll vizitën në New York
Sot varrosen dy të rinjtë që humbën jetën nga aksidenti trag...
Champions League vazhdon edhe sonte, kryendeshja në Spanjë
Obama befason turmën në mitingun e Harris, bën rap me këngën...