Lionel Messi i tronditur largohet pas eliminimit befasues

12:02 | 8 Maj 2019
Arbresh Info

Lionel Messi nuk ishte në disponim për të folur pas kapitullimit të Barcelonë në Liverpool mbrëmjen e kaluar.

Ylli i Barcelonës humbi shanset për të arritur në finale të Ligës së Kampionëve duke u eliminuar nga Liverpooli pavarësisht fitores 3 me 0 në takimin e parë mes tyre, transmeton portali arbresh.info.

Messi ishte jashtëzakonisht i qetë, plotësisht ndryshe nga performanca e javës së kaluar kur realizoi dy herë, përfshirë një gol nga gjuajtja e lirë prej 35 metrave.

Në fund, pamjet shfaqin se argjentinasi nuk ishte fare i impresionuar dhe kaloi me shpejtësi gazetarët në zonën e miksuar.

Messi mund të shihet duke ecur me shpejtësi si dhe duke refuzuar të bisedojë me gazetarët si pasojë e asaj që ndodhi gjatë 90 minuta lojë.

Por, nuk kishte ikje për trajnerin e Barcelonës – Ernesto Valverden, i cili pranoi pas ndeshjes se e ardhmja e tij mund të jetë në rrezik pas eliminimit tronditës nga Liga e Kampionëve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm