Lille i Edon Zhegrovës po shfaq formë të dobët – protesta e tifozëve të tyre merr vëmendje – kthejnë tribunën e stadiumit në plazh

19:16 | 7 Maj 2022
Lorik Gerbeshi

Lille të premten luajti me Monacon në shtëpi ku pësoi humbje me rezultat 2-1 në kuadër të javës së 36-të në Ligue 1.

Kjo fitore vlen shumë për Monacon që tani janë në vendin e dytë me 65 pikë, duke u barazuar me Olympique Marseille.

Nga ana e saj, Lille nuk arrin të ngrihet dhe zë vendin e dhjetë me 51 pikë.

Me vetëm një fitore dhe katër humbje në pesë ndeshjet e fundit, Lille, ka zbehur gjasat për të luajtur sërish në Evropë, vetëm një vit pasi u shpall kampion.

Kjo ka bërë që nga tribunat të vije një protestë origjinale e tifozëve të Lille, që i kanë dërguar një mesazh klubit dhe lojtarëve.

Të zhgënjyer me paraqitjen e ekipit të tyre, tifozët zemërimin e tyre e shprehën me humor në tribuna.

Aty shihej një pankartë ku shkruante: “A jeni me pushime? Edhe ne”, ku tifozët luanin volejboll ose bënin sikurse janë në plazh, duke e paraqitur këtë gjë edhe me veshjet e tyre.

Një protestë origjinale, por edhe qesharake që ka marrë vëmendjen e mediave.

Te Lille nga janari luan edhe futbollisti i Kosovës, Edon Zhegrova.

Shpërndaje në rrjete sociale

Lajmet më të lexuara

Të ngjashme

Foto lajm