Nottingham Foresti ka eliminuar Arsenalin nga FA Cup me rezultat turpërues 4-2.

Dy golat e parë në takim i shënoi mbrojtësi i krahut të djathtë, Eric Lichaj, dhe afër të realizonte het-trik, por bashkëlojtari i tij, Ben Brereton, nuk e lejoi pasi dëshironte ta gjuante penalltin vet ai.

Pas përfundimit të ndeshjes reprezentuesi amerikan tregoi arsyen pas dëshirës së madhe për të kompletuar het-trikun.

“Gruaja ime më tha nëse shënon het-trik gjatë vitit unë do mund të mbaja një qen, ja pse doja të gjuaja penalltinë”.

“Por, Brereton më tha të largohesha”, ka thënë Lichaj në shaka në intervistën pas ndeshjes.

Brereton është vetëm 18-vjeçar dhe dëshira e tij e madhe që të shënote nga pika e bardhë ndaj Arsenalit është e kuptueshme, pasi kjo mund të jetë një pikë e rëndësishme për të ardhmen në karrierën e tij. /arbresh.info/

"My wife told me that if I score a hat-trick this year I get a dog, so I was trying to get the penalty…" 😂

Eric Lichaj scored what's sure to be one of the goals of the tournament, but you can't help but feel heartbroken for him with this revelation 😭😂 pic.twitter.com/z4ACTMRG3c

— Football on BT Sport (@btsportfootball) January 7, 2018