Ylli i Bayern Munich, Robert Lewandowski ka deklaruar se nuk ka arsye pse të provoj veten në një ligë tjetër, pasi mori çmimin e ‘Këpucës së Artë’ Evropiane për sezonin 2020/21.

Lewandowski konsiderohet gjerësisht si një nga sulmuesit më të mirë të brezit të tij, pasi kishte bërë emër në Borussia Dortmund para se të bashkohej me Bayern në 2014.

Reprezentuesi polak e ka çuar lojën e tij në lartësi edhe më të mëdha në Allianz Arena, me sezonin 2020/21 që rezulton të jetë më i miri i tij në aspektin e kontributit të tij të përgjithshëm në vijën e fundit të fushës.Ai shënoi 41 gola në 29 ndeshje të Bundesligës për Bayernin sezonin e kaluar, pavarësisht se humbi një muaj të tërë veprimi për shkak të lëndimit.

33-vjeçari tejkaloi rekordin e Gerd Muller për më shumë gola të shënuar në një sezon të vetëm në Gjermani, dhe gjithashtu fitoi Këpucën e Artë Evropiane për herë të parë në karrierën e tij, duke përfunduar para ish-yllit të Barcelonës, Lionel Messi.

Pasi mori çmimin të martën, Lewandowski shfrytëzoi rastin për të përsëritur angazhimin e tij ndaj Bayernit pas një vere të spekulimeve intensive për një largim nga Allianz Arena.

Sulmuesi ishte i lidhur fort me një lëvizje në Ligën Premier, me Chelsean dhe Liverpoolin të diskutuar si destinacionet e tij më të mundshme mes sugjerimeve se ai do të përfitonte nga largimi nga zona e tij e rehatisë në Bundesliga.

“Nuk kam pse të provoj veten në një ligë tjetër. Mund të garoj me më të mirët nga ligat e tjera në Ligën e Kampionëve”.

“Unë jam 100 për qind i fokusuar në Bayern Munich, nuk mendoj për asgjë tjetër përveç ekipit tim”, ka thënë Lewandowski pasi ka pranuar çmimin. /Telegrafi/