Barcelona ka shënuar fitore krejt në fund si mysafir i Cela Vigos me rezultat 2-1 në kuadër të javës së 25-të të La Liga.
Katalnasit e nisën më mirë ndeshjen, duke rrezikuar të parët me Lamine Yamal në minutën e 10-të, por pa sukses.
Goli erdhi në minutën e fundit të pjesës së parë, ku Lamine Yamal pasoi te Robert Lewandowski i cili me një goditje të bukur shënoi për 1-0.
Por me të filluar pjesa e dytë, Celta Vigo arriti të barazojë shifrat, me një gjuajtje të Iago Aspas që u devijua nga mbrojtja për të përfunduar në rrjetë për 1-1.
Pas barazimit, Barcelona kërkonte fitore, por edhe Celta Vigo nuk qëndronte prapa, duke rrezikuar disa herë.
Krejt në kohën shtesë, Barcelona fitoi penallti me Lamine Yamal, i cili u rrëzua në zonë nga një mbrojtës kundërshtar.
Robert Lewandowski gjuajti fillimisht, por Vicente Guaita priti, ndërsa kishte dal më herët nga vija e portës.
Penaltia u përsërit dhe Lewandowski herën e dytë shënoi për 2-1.
Kjo fitore e mban Barcelonën në vendin e tretë me 54 pikë, shtatë me pak se Real Madridi që është lider./Telegrafi/
Kurti: Zgjerimi i BE-së, përgjigja më e mirë ndaj atyre që e...
Shtohen disa shërbime të reja në Neurokirurgji
Feyenoord – Leverkusen, formacionet zyrtare
Komisioni Disiplinor merr vendimet për dhunën në ndeshjen De...
Vriten dy ushtarë izraelitë pranë kufirit me Libanin
Trepça nesër luan sfidën e dytë për kualifikim në Ligën e Ka...