Google ADS

Leo Messi vendos rekord të ri në La Liga

22:06 | 24 Shkurt 2018
Arbresh Info

Lionel Messi tregoi sërish se është nga një tjetër planet në ndeshjen e Barcelonës kundër Gironas.

Në një fillim të “çmendur” në Camp Nou, Girona befasoi gjigantin katalunas duke shënuar një gol të bukur përmes sulmuesit Cristian Portu, shkruan portali arbresh.info. Por, Barcelona barazoi shifrat pas vetëm dy minutave.

Lionel Messi asistoi te Luis Suarez, i cili shënoi golin e 18-të në La Liga këtë sezon duke barazuar rezultatin.

Me këtë asistim, Lionel Messi vendosi një rekord të ri në La Liga.

Messi, i cili tashmë është golashënuesi më i mirë në histori të ligës, tani ka është edhe krijuesi më i madh i asistimeve në ligë gjithashtu.

Superylli argjentinas tani ka gjithsej 148 asistime në kampionatin spanjoll.

Përveç këtij asistimi, sulmuesi gjithashtu shënoi dy gola të njëpasnjëshme dhe të bukura ndaj Gironas, një nga afërsia dhe një nga gjuajtja e lirë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm