Sa kohë i është dashur Messit të gjejë golin pas fillimit të një ndeshjeje?

Barcelona ka publikuar në faqen e saj katër golat më të shpejtë që Leo Messi i ka shënuar gjatë karrierës në Camp Nou.

“Të gjithë e dimë për aftësinë e shënimit nga ana e Leo Messit , por a e dini kohën e golave ​​më të shpejtë që ai ka shënuar për Barça ndër vite?”, shkruan Barca, teksa ka postuar edhe golat.

1) vs Chelsea: 127 sekonda

Në ndeshjen e kthimit të raundit të 16-të në Ligën e Kampionëve 2017/18, numri 10 i Barçës zhbllokoi rezultatin kundër Chelsea pas vetëm 127 sekondave.

Goli e ndihmoi Barçën të kualifikohej në çerekfinale, ishte i 100-ti në garën evropiane, dhe ishte gjithashtu më i shpejti në karrierë.

2) vs Racing Santander: 157 sekonda

Sezoni 2010/11 Messit iu deshën vetëm 157 sekonda për të shënuar.

Barça e fitoi atë takim 0-3, kurse edhe Ligën krejt në fund të atij edicioni.

3) vs Slavia Praga dhe Celtic: 167 sekonda

Në ndeshjen e parë në edicionin 2016/17 të UEFA Champions League Leo hapi ndeshjen kundër Celtic pas vetëm 2 minuta dhe 46 sekonda lojë. Barça e fitoi atë takim 7-0.

Leo e përsëriti të njëjtin skenar më 23 tetor vitin e kaluar, kundër Slavia Pragës. /Gazeta Express/