Lëndimi ia pamundëson amerikanit debutimin për Dortmundin

16:06 | 16 Maj 2020
A. B.

Giovanni Reynas i është pamundur debutimi për ekipin e parë të Borussia Dortmundit në ndeshjen kundër Schalke 04, pasi që 17-vjeçari amerikan pësoi lëndim gjatë nxehjeve për ndeshjeve.

Adoleshenti i talentuar ishte planifikuar të jetë titullar në ndeshjen e parë të Dortmundit pas rinisjes së kampionatit në Bundesligë, që ishte ndërprerë në mars shkaku i koronavirusit, transmeton Gazeta Express.

Amerikani do ta kishte bërë paraqitjen e tij të parë për Dortmundin në ndeshjen e së shtunës kundër rivalit Schalke, në Signal Iduna Park.

Megjithatë, atij i është pamundësuar një gjë e tillë shkaku i lëndimit të pësuar.

Lucien Favre e kishte përfshirë atë në ekipin titullar që ishte lajmëruar një orë para ndeshjes, me shpresën që edhe një lojtar i talentuar mund të bëjë ndryshim për të mirë në Dortmund.

Megjithatë, pas lëndimit, trajneri Favre vendosi ta zëvendësojë atë me Thorgan Hazard.

Shpërndaje në rrjete sociale

Lajmet më të lexuara

Të ngjashme

Foto lajm