Legjenda rumune, Mutu: Lojtarët e Kosovës shumë individualistë

12:58 | 7 Shtator 2024
K.B

Legjenda e futbollit rumun, Adrian Mutu, ka thënë pas fitores së Rumanisë se se lojtarët e Kosovës ishin shumë individualistë.

Kombëtarja e Kosovës është mposhtur nga Rumania me rezultat të thellë 3-0 në ndeshjen e vlefshme për Grupit 2 në Ligën C të Ligës së Kombeve për edicionin 2024/25.

Golashënuesi më i mirë i të gjitha kohërave i rumunëve, Mutu ka bërë reagimin e parë pas këtij suksesi të Rumanisë në stadiumin ‘Fadil Vokrri’ në Prishtinë.

45-vjeçari rumun pati kritika për lojtarët e Kosovës, duke i cilësuar individualistë, teksa kombëtaren e tij si një ekip i pjekur.

”Ne jemi më të vlefshëm, ata nga Kosova i kam parë shumë individualistë. Ishim të pjekur, ishim një ekip. Më pëlqeu pjekuria e kombëtares”, ka thënë Mutu për mediumin Fanatik.

Ndryshe, Kosova luan ndeshjen e radhës në Ligën e Kombeve ndaj Qipros në udhëtim, të hënën më 9 shtator. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm