Ish mesfushori i Manchester United, Paul Scholes, është shprehur se mbrojtësi anglez, Luke Shaw, duhet të largohet nga Manchester United dhe t’i bashkohet Tottenhamit.

Mbrojtësi anglez ka punuar me trajnerin aktual të Spursave, Mauricio Pochettino, gjatë kohës sa të dy ishin te Southamptoni.

Shaë nuk është më në planet e Jose Mourinhos, pasi trajneri portugez preferon në formacionin startues 32-vjeçarin Ashley Young.

Mourinho e largoi nga loja pas pjesës së parë dhe pas përfundimit të takimit, ai kritikoi ashpër paraqitjen e anglezit. Këtë e bëri pas fitores ndaj Brightonit në kuadër të FA Cup.

Por, sipas Scholes Mourinho është gabim dhe se Shaw mund të bëhët mbrojtësi më i mirë në botë në pozitën e tij.

“Akoma besoj se ai mund të bëhet më i miri në botë dhe gjatë verës duhet të shkojë te Tottenham ose diku tjetër dhe të përmirësohet”.

“Unë mund të vërej një dallim mes tij dhe Youngut. Por, mendoj se nganjëherë trajnerët e fusin në kokë idenë se ndonjë lojtar nuk bën për lojën e tyre”.

“Për mua, është i shkëlqyer, por trajneri i tij do të vazhdojë të gjejë diçka të gabuar tek ai”, ka deklaruar Scholes për BT Sport.

22-vjeçari në vitin 2014, u transferua në Old Trafford për 30 milionë funte (34 milionë euro). /arbresh.info/