Google ADS

Lautaro pas triumfit të Scudettos: Tani më vjen të qaj, kemi punuar dhe vuajtur shumë e kemi merituar këtë gëzim

09:23 | 23 Prill 2024
D.H

Inter arriti të shpallej mbrëm kampione e Serie A, pasi triumfoi me rezultat 2-1 ndaj Milanit.

Kjo fitore bëri që të arrijnë të sigurojnë edhe matematikisht Scudetton, shkruan Arbresh.info.

Pas triumfit kapiteni zikaltër, Lautaro Martinez u shpreh shumë i lumtur pas këtij suksesi.

“Tani më vjen të qaj, kemi punuar dhe vuajtur shumë, e kemi merituar këtë gëzim. Ndeshjen ua dedikoj fëmijëve të mi, familjes sime dhe gjithë tifozëve. Në futboll mund të fitosh dhe të humbësh, por sigurisht që ka shumë lumturi sonte. U thashë djemve se ishim në një situatë që nuk kishte ndodhur më parë, duhej të përfitonim nga kjo mundësi sepse tani i gjithë stadiumi është i yni”, u shpreh Lautaro.

Ky ishte trofeu i 20-të i Interit në histori.

Lautaro ishte udhëheqësi i Interit në këtë sukses ku realizoi 23 gola dhe dhuroi edhe dy asistime deri në këtë pikë të sezonit, ku kanë mbetur edhe pesë ndeshje deri në fund./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm