Ky pritet të jetë kundërshtari i radhës i Furyt në vitin tjetër

18:07 | 8 Dhjetor 2021
KRG

Kundërshtari i radhës për Tyson Fury është identifikuar tashmë dhe dueli do të zë vend vitin tjetër.

Fury duket se do të përballet me Dillian Whyte në duelin e tij të radhës, pasi kjo është urdhëruar nga WBC në peshat e rënda.

Periudha 30 ditëshe për Fury që të arrijë marrëveshje për unifikimin e titujve ka kaluar, dhe Whyte tashmë do të jetë i mandatuari për të dueluar me ‘Gypsy King’.

Këto zhvillime të fundit nënkuptojnë se dueli mes Usyk dhe Fury nuk do të zhvillohet, duke ia lejuar kështu ukrainasit të ketë fokusin për revanshin me Anthony Joshua.

‘Mirror’ raporton se dueli mes Fury dhe Whyte pritet të zë vend në marsin tjetër, në Kardif ose Mançester si lokacione potenciale.

Whyte ka kërkuar një mundësi të tillë tash e sa kohë dhe tani do ta ketë mundësinë të bëjë befasinë prej më të mëdhave në boks.

Shpërndaje në rrjete sociale

Lajmet më të lexuara

Të ngjashme

Foto lajm