Në “Vodafone Arena” pritet të ketë shumë tifozë shqiptarë, në mesin e tyre do të jetë edhe një i ri nga Kosova i sëmurë tash e një kohë, Edini.
Besiktas – Bayern Munich, ndeshja e kthimit në Champions League do të zhvillohet në “Vodafone Arena”, aty ku pritet të ketë shumë tifozë shqiptarë.
Mesin e tyre do të jetë edhe një i sëmurë nga Kosova, Edini. Ai nuk do ta marrë rrugën nga Kosova, pasi tashmë që 7 muaj veçse gjendet në Stamboll.
Edini para 8 muajve është konstatuar me sëmundje të Leukemisë dhe qe 7 muaj është duke ndjekur disa terapi në Stamboll. Ai së bashku me familjen, do të zbresin në “Vodafone Arena” për ta përcjellë nga afër ndeshjen Besiktas – Bayern Munich, pasi Edini është tifoz i zjarrtë i Bavarezëve, njofton faqja “Bavarezët”.
Biletat për këtë ndeshje, Edinit të sëmurë ia ka siguruar klubi gjerman, me kërkesë të kryetarit të “Fan Clubit Bavarezët”, që i ka treguar rastin e shqiptarit nga Kosova dhe dësirës së zjarrtë për ta parë nga afër klubin e zemës.
Kryetari i “Fan Clubit Bavarezët” përmes një postimi në Facebook, tregon se sa shpejt ka marrë përgjigje pozitive nga klubi gjerman. /arbresh.info/
Postimi i plote…
Mia San Familie
Mia San Ekipi më i mirë në botë
Përshëndetje Bavarez,
Dua me nda me ju një tregim të mrekullueshëm për një rast të pikëlluar ku edhe njëherë secili nga ju duhet me u mburrë se pse jemi tifozë të FC Bayern München.
Siq e dini më datën 14. Mars Bayern München do te zhvillojë ndeshjën kthyese në kuadër të 1/16 e finalës në Stamboll kunder Beshiktashit. Në atë ndeshje shumë tifozë Bavarez do të jenë në Stadion edhe nga Kosova që do e shikojnë këtë ndeshje. Poashtu në Stadion do të jetë edhe një çun me emrin Edin.
Edini nuk do e merr rrugën nga Kosova, pasi që ai tashmë qe 7 muaj veqse gjendet në Stamboll, por jo me dëshirë të vet. Edini para 8 muajve është konstatuar me sëmundje të Leukemisë dhe qe 7 muaj është duke ndjekur disa terapi në Stamboll.
Babi i Edinit, ish koleg i imi i punës, më kontaktoj para disa ditëve dhe më pyeti se a ka ndonjë mundësi pë me i’a siguru një biletë Stadioni Edinit për të ndjekur këtë ndeshje pasiqë Edini ëshë tifoz i flaktë i Bayernit.
Unë natyrisht si kryetar i Fan Clubit Bavarezët menjëherë kontaktova përgjegjësit e FC Bayern München dhe i përshkrova gjendjen dhe dëshirën e flaktë të Edinit dhe më besoni se pas vetëm 10 ore mora konfirmimin se Edinit dhe familjës së tijë i janë siguruar 4 bileta nga ana e FC Bayern Münchenit për të përcjellur ndeshjen në Stamboll.
Biletat tani më janë në duart e Edinit i cili me padurim po e pret 14 Marsin.
Për mua personalisht kjo ishte një ndjenjë e papërshkrueshme pozitive të cilën ma dhurojë FC Bayerni im I dashurë, I cili edhe njëherë tregojë se është skuadra me zemrën më të madhe dhe humane. Më bënë të mburrem që jam tifozë i kësaj skuadre.
MIA SAN MIA
Mia San Familie Mia San Ekipi më i mirë në botëPërshëndetje Bavarez, Dua me nda me ju një tregim të mrekullueshëm p…
Posted by Bavarezët on Montag, 26. Februar 2018
Sulmi izraelit vret 73 persona në Gazën veriore
Shembet porti i tragetit në Gjeorgji, të paktën shtatë të vd...
A është më mirë që për kafjall të hamë picë apo drithëra? Pë...
Kafeja e mëngjesit, ja si ndikon në kujtesën tuaj
Parashikimi i motit për këtë të diel
Presidenti izraelit: Sulmi me dron në shtëpinë e Netanyahut,...