Kurti uron Distrian për renditjen në vendin e parë

20:37 | 15 Maj 2023
Orgesa Haziri

Kryeministri i Kosovës, Albin Kurti, ka uruar Distria Krasniqin, pasi kjo e fundit u rendit në vendin e parë në ranglistën e xhudos.

Xhudistja kosovare u rendit e para në botë, sipas renditjes së re të publikuar nga Federata Ndërkombëtare e Xhudos.

Krasniqi në kategorinë deri në 52 kilogramë ka marrë 7 mijë e 275 pikë.

Pas saj, është renditje xhudistja britanike, Chelsie Giles, e cila ka marrë 7 mijë e 10 pikë, derisa e treta është japonezja, Uta Abe, e cila i ka 6 mijë e 800 pikë.

Kurti përmes një postimi në Twitter tha:

“Urime Distria Krasniqit për renditjen në vendin e parë, sipas Federatës Ndërkombëtare të Xhudos (kategoria deri në 52 kg). Gratë që konkurrojnë në xhudo e kanë nderuar vendin me medaljen e parë të artë olimpike dhe vazhdojnë të sfidojnë shanset si atletë lider në botë”, ka shkruar ai në Twitter.

Distria Krasniqi, në Lojërat Olimpike “Tokyo 2020” ka arritur që ta fitojë medaljen e artë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm