Kupa e Shqipërisë do të përcaktojë sot finalistët e këtij kompeticioni, teksa në Kukës dhe në Vlorë do të luhen gjysmëfinalet e kthimit.
Kështu në ‘Zeqir Ymeri’, Kukësi do të presë Laçin, në një sfidë tërësisht të hapur, pasi sfida e parë përfundoi në barazim 0-0.
Skuadra verilindore shikon Kupën si një mundësi për të shpëtuar sezonin, pasi i ka ‘larë duart’ me titullin kampion, që duket se do të rikthehet në Korçë.
Nga ana tjetër, Laçi kërkon një vend në Evropë dhe Kupa është rruga më e lehtë, pasi në kampionat rivaliteti është më i madh dhe gara më e komplikuar.
Një tjetër takim interesant do të zhvillohet në Vlorë, ku Flamurtari do të presë Skënderbeun, vetëm 10 ditë pas humbjes së hidhur 0-3. Skuadra e Duros ka avantazhin e fitores minimale në Korçë dhe do të synojë kualifikimin duke mbrojtur rezultatin e ndeshjes së kaluar.
Nga ana tjetër, Skënderbeu do të synojë të tregojë edhe njëherë se në Shqipëri nuk ka rivalë, ndërsa kërkon që të fitojë për herë të parë Kupën e Shqipërisë.
Takimi mes Kukësit dhe Laçit do të startojë në orën 15:30, ndërsa ai mes Flamurtarit dhe Skënderbeut 3 orë më vonë, më 18:30./Top Channel
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin