Kualifikimi i Skënderbeut për në turin e tretë kualifikues të Ligës së Evropës pas suksesit 3-1 me rezultat të përgjithshëm ndaj Kairat Almatit ka ndikuar edhe në koeficientin e Shqipërisë në renditjen e UEFA-s për kampionatet e shteteve evropiane.
Pas rënies së përkohshme në renditjen e përgjithshme që vlen për sezonin e ardhshëm, si pasojë e rezultateve jo të mira të arritura nga klubet shqiptare në turin e parë kualifikues dhe në ndeshjet e para të turit të dytë, tashmë Shqipëria është rikthyer në vendin e 36, aty ku e nisi këtë sezon futbollistik.
Fitorja e Skënderbeut ndaj Kairatit plus kualifikimi për në turin e tretë, por gjithashtu edhe fitorja e Kukësit ndaj Sherifit, pavarësisht eliminimit, bënë që Shqipëria të fitojë 2 vende në renditjen e projektuar për sezonin e ardhshëm, duke qenë se pas ndeshjeve të para të turit të dytë koeficienti i grumbulluar mundësonte renditjen në vendin e 38.Ndërkohë sa i përket koeficientit të grumbulluar vetëm për këtë sezon, Shqipëria ka bërë një rritje mjaft të madhe duke u ngjitur nga vendi i 40-ë në atë të 29. Megjithatë kjo rritje momentale vjen si pasojë e eliminimit të të gjitha skuadrave të shumë shteteve të tjera nga garat evropiane, dhe gjithashtu prej faktit që klubet e disa shteteve të mëdhenj nuk e kanë nisur akoma garimin.
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Ushqimet për një fytyrë pa rrudha
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...