Kryetari i FFK-së i dërgon telegram ngushëllimi presidentit të Federatës së Argjentinës për vdekjen Maradonës

22:11 | 25 Nëntor 2020
A. B.

Presidenti i FFK-së, Agim Ademi me rastin e vdekjes së Legjendës së futbollit botëror, Diego Armando Maradona i ka dërguar telegram ngushëllimi presidentit të Federatës Argjentinase të Futbollit, Claudio Tapia.

Ademi ka thënë se Maradona ishte jo vetëm kapiten i Argjentinës, por një kapiten i zemrës së njerëzve, një lojtar i përjetshëm dhe një njeri i mahnitshëm!

“Diego ka ikur por do të mbahet mend përgjithmonë”.

“Gjithmonë do të mbajmë brenda vetes madhështinë e tij jo vetëm si një futbollist, por edhe si model, pasi ai ishte arsyeja që miliona njerëz kanë rënë në dashuri me lojën e futbollit”.

“Atë çfarë na dha Maradona ishte më shumë se futboll, ai na solli gëzim dhe lumturi”, ka shkruar ndër të tjera presidenti Ademi në telegramin e ngushëllimit drejtuar Federatës argjentinase për Maradonën.

Shpërndaje në rrjete sociale

Lajmet më të lexuara

Të ngjashme

Foto lajm