Google ADS

Kryetari i FBK-së, Erolld Belegu, këshilltar i kryeministrit Haradinaj

17:17 | 26 Tetor 2017
Arbresh.info

Kryeministri Ramush Haradinaj në radhët e këshilltarëve e ka shtuar edhe Erolld Belegun, kryetarin e Federatës së Basketbollit të Kosovës.

Edhe pse nuk ka pasur ndonjë njoftim zyrtar, Belegu nga sot është prezantuar këshilltar i Haradinajt.

Belegu është parë sot në takimin e kryeministrit me të ngarkuarin me punë të Katarit në Shqipëri, jo rezident në Kosovë, Hashim Ibrahim Al-Sada, shkruan lajmi.net.

Belegu po ashtu e ka shoqëruar Haradinajn edhe në vizitën bërë Rektoratit të Universitetit të Prishtinës “Hasan Prishtina”.

“Kryeministri Haradinaj në vizitën e parë në UP, që nga ardhja e tij në detyrë, ishte i shoqëruar nga zëvendësministri i Arsimit z. Muharrem Nitaj, këshilltarët: z. Erolld Belegu dhe z. Luan Jaha, si dhe kolegë të tjerë”, thuhet në njoftimin e UP-së.

Shpërndaje në rrjete sociale

Lajmet më të lexuara

Të ngjashme

Foto lajm