Krasniqi e rreh Landaetan, e mbron titullin EBU

00:20 | 18 Nëntor 2018
Trina Galanxhi

Robin Krasniqi e ka mbrojtur titullin evropian në boksin profesionit në kategorinë e peshave super të mesme “EBU”, pasi e mundi me pikë boksierin nga Venezuela, Ronny Landaetan, të shtunën në Gjermani.

Në një meç 12-rundesh në Dessau, Krasniqi fitoi me pikë pasi ishte më i mirë si kundërshtari i tij, veçanërisht në pesë rundet e para, raporton Gazeta Express.

Në fakt, Landaeta u caktua për të boksuar me Krasniqin në momentet e fundit, pasi kundërshtari i paraparë i Krasniqit, Stefan Hartel, ishte tërhequr në çastet e fundit.

Pas triumfit në Anhalt Arena – Dessau në Gjermani, Krasniqi e mbrojti titullin EBU (European Super Middleweight).

Për Haxhi Krasniqin kjo ishte lufta e 54-të në karrierë, ku deri më tash boksieri nga Juniku ka arritur 49 fitore, ndërsa në 5 raste ka pësuar disfata.

Në anën tjetër për boksierin nga Venezuela, ky ishte meçi i 17-të, 16 nga të cilat i ka fituar dhe e ka humbur një, sonte kundër Krasniqit. /Express/

Shpërndaje në rrjete sociale

Lajmet më të lexuara

Të ngjashme

Foto lajm