Google ADS

Kosova zhvillon stërvitjen e radhës – dy yje me lëndime të lehta, Rashica punoi ndaras

19:33 | 8 Tetor 2024
E.G

Kosova ka mbajtur sot pasdite stërvitjen e dytë në kuadër të përgatitjeve për ndeshjen kundër Lituanisë, të cilën e zhvillon të shtunën në Kaunas, në orën 15:00.

Në stërvitjen e sotme kanë munguar tre lojtarë kyç, dy prej tyre shkaku i lëndimeve të lehta, ndërsa njëri prej tyre arriti vonë në grumbullim.

Leart Paçarada dhe Aro Muriç nuk u përfshinë në stërvitje për shkak të lëndimeve të lehta, ndërsa Milot Rashica zhvilloi një seancë rigjenerimi në palestër, pasi ka mbërritur mbrëmë.

Gjatë stërvitjes së sotme, përzgjedhësi Franco Foda dhe stafi i tij u fokusuan veçanërisht në aspektin taktik dhe në tranzicionin e lojës nga mbrojtja në sulm dhe anasjelltas, shkruan FFK.

Në këtë seancë, ekipi ka punuar me përkushtim në organizimin e lojës, duke synuar të rrisë kohezionin mes reparteve.

Stërvitjen e radhës Dardanët e zhvillojnë nesër në orën 11:00. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm