Kosova U21 pëson humbje ndaj Polonisë U21

22:09 | 8 Shtator 2023
Diellza Gashi

Kombëtarja U21 e Kosovës ka pësuar humbje ndaj Polonisë U21 në kuadër të kualifikimeve për Kampionatin Evropian “Euro 2025”.

Ndeshja e zhvilluar sonte në “Orlen Arena” përfundoi me rezultatin 3:0. Të tre golat u shënuan në pjesën e parë, shkruan Gazeta Express.

Ariel Mosor (25′) dhe Michal Rakoczy (30′, 44′) ishin autorët e golave në fitoren e polakëve.

Për të përzgjedhurit e Afrim Tovërlanit ishte kjo ndeshja e dytë në Grupin D. “Dardanët” kishin regjistruar fitore në ndeshjen e parë ndaj Armenisë, të zhvilluar në qershor.

Kosova U21 është e dyta në grup me tri pikë, aq sa ka tani edhe Polonia si lidere. Polakët kanë një ndeshje më pak.

Kosova U21 ndeshjen e radhës do ta luajë më 12 shtator, si nikoqire e Gjermanisë U21. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm