Kosova U20 zë vendin e 11-të në Kampionatin Evropian

23:03 | 16 Korrik 2023
Orgesa Haziri

Kosova U20 është renditur në vendin e 11-të në Kampionatin Evropian, Divizioni B.

“Dardanët” në ndeshjen për vendin e 11-të ka mundur Austrinë pas vazhdimeve me rezultat 78:67 (13:16, 20:12, 7:19, 20:13, 18:7).

Në periudhën e parë, austriakët për një nuancë ishin më të mirë, duke e fituar këtë pjesë 13:16, por Kosova u rikthye në çerekun e dytë, për të shkuar në pushim me rezultat 33:28.

Por, në periodën e tretë, austriakët u rikthyen sërish, ku e fituan këtë pjesë 7:19, por në dhjetë minutat dhe vendimtare, Kosova u rikthye dhe pas një fundi dramatik rezultati ishte 60:60.

Në vazhdime, basketbollistët e Kosovës ishin shumë më të mirë dhe triumfuan 78:67.

Te Kosova u dallua Jon Ismajli me 19 pikë e pesë kërcime, ndërsa u ndihmua nga Bardh Istrefi me 14 pikë e tetë kërcime, Olsi Kurtaj me 13 pikë e gjashtë kërcime dhe Jon Ukaj me 14 pikë e tetë kërcime.

Shpërndaje në rrjete sociale

Lajmet më të lexuara

Të ngjashme

Foto lajm