Hendbollistet e Kosovës U18 janë mposhtur nga Egjipti në kuadër të garës për plasman (21-24) në Kampionatin Botëror në Chuzhou të Kinës.
Të enjten herët në mëngjes, Kosova U18 pësoi me rezultat 29:22, ku dallimi u bë në pjesën e parë të cilën Egjipti e fitoi 14:8, përcjell Arbresh.info.
Më efikasja te Kosova ishte Arjeta Imeraj me shtatë gola. Gjashtë i shënoi Diona Dreshaj, ndërsa me tri gola takimin e përfundoi Orgesa Gola.
Pas dy fazave grupore, vajzat tona po garojnë për plasman nga pozitat prej 21 deri në pozitën e 24-t.
Të premten herët në mëngjes Kosova U18 luan ndaj Nigerisë për vendin e 23-të. Ndërkohë për vendin e 21-të luajnë Taipei Kinez dhe Egjipti.
Ndeshja e nesërme me Nigerinë është e fundit për Kosovën në Botërorin në Kinë.
Të kujtojmë që për herë të parë një Kombëtare e Kosovës në konkurrencë të sportisteve në sportet ekipore është kualifikuar dhe po paraqitet në Kampionat Botëror./Arbresh.info
Veliaj dhe Presidenti i Izraelit vizitojnë Memorialin e Holo...
Spiropali pret presidentin izraelit: Miqësia mes vendeve ton...
Kurti: Kosova qëndron në krah të të mbijetuarave të dhunës s...
IKD publikon raportin: Kostoja e Pagave Jubilare të Papaguar...
Franca dënon sulmin ajror izraelit në një shkollë në Gaza
Gavi rikthehet pas lëndimit