Google ADS

Kosova U-21 e shpall listën për ndeshjet e radhës

11:01 | 6 Nëntor 2017
Arbresh.info

Përfaqësuesja e Kosovës U21 do t’i zhvillojë dy ndeshje tejet të rëndësishme.

Kosova do të ndeshet me Izraelin dhe Azerbejxhanin në kuadër të kualifikueseve për kampionatin evropian.

Përzgjedhësi i Kosovës, Rafet Prekazi ka grumbulluar 24 futbollistë për këto dy takime.

Në listë është përfshirë edhe sulmuesi i Manchester Cityt i huazuar tek Ipswichi, Bersant Celina.

Te Kosova është rikthyer edhe Dren Feka që më parë ka luajtur edhe për Përfaqësuesen A në ndeshje miqësore.

Ndeshja e parë do të luhet në Mitrovicë përballë Izraelit më nëntë nëntor, ndërsa pesë ditë më vonë djelmoshat tanë do të takohen me Azerbejxhanin në udhëtim.

Ndryshe Kosova U21 ndodhet në Grupin 5 së bashku me Gjermaninë, Irlandën, Norvegjinë, Izraelin dhe Azerbejxhanin, raporton Telegrafi.

Aktualisht përfaqësuesja jonë ndodhet në pozitën e tretë me gjashtë pikë pas katër ndeshjeve.

Shpërndaje në rrjete sociale

Lajmet më të lexuara

Të ngjashme

Foto lajm