Kosova U-20 pëson edhe humbjen e dytë në Shkup

19:20 | 9 Korrik 2023
Orgesa Haziri

Kosova U-20 është mposhtur nga Suedia me rezultat 84:76 (16:16, 23:24, 21:20, 24:16).

“Dardanët” U-20 e filluan ndeshjen shumë mirë, madje duke shkuar në pushim me një pikë dallim apo me rezultat 39:40.

Edhe çereku i tretë ishte i barabartë, por çereku i fundit ishte vendimtar ku arritëm të shënonim vetëm 16 pikë, ndërsa kundërshtari shënoi 24.

Te Kosova në këtë ndeshje u dallua Bardh Istrefi me 21 pikë, si dhe Visar Ejupi me 15 pikë të tjera.

Kjo ishte humbja e dytë për Kosovën U20 në Kampionatin Evropian, Divizioni B, që po mbahet në Shkup të Maqedonisë Veriore.

Ndeshja e ardhshme do të jetë të martën kundër Azerbajxhanit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm