Kosova U-19 po përgatitet për miqësoret në Bullgari

10:17 | 19 Shkurt 2018
Arbresh.info

Përfaqësuesja e Kosovës U-19  tash e dy ditë po qëndron në Varna të Bullgarisë, ku do t’i zhvillojë dy ndeshje miqësore me kombëtaren bullgare U-19 në kuadër të përgatitjeve për “Elite Round” që do të mbahet në Portugali, prej 21 deri më 27 mars, njofton FFK, transmeton arbresh.info.  

Kosova e drejtuar nga Ramiz Krasniqi, sot, ka mbajtur stërvitjen e parë, derisa nesër do ta zhvillojë edhe seancën e radhës stërvitore para sfidës së parë me bullgarët, që do të zhvillohet të martën, në orën 19:00.

Ndërkohë, ndeshjen e dytë Kosova U-19 do ta zhvillojë të enjten, në orën 11:00 dhe më pas do të kthehet në Kosovë.

Ekspedita kosovare në Bullgari po e kryeson anëtari i KE të FFK-së, Ilaz Mjaku. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm