Kombëtarja e Kosovës në konkurrencën e femrave ka pësuar humbje në duel me Norvegjinë, me rezultat 5:1.
Ndeshja u zhvillua në Sandefjord nëpër mot të vështirë me reshje bore, në kuadër të kualifikimeve për Botërorin 2023.
Në këtë ndeshje te Kombëtarja dardane debutoi përzgjedhësja Karin Anneli Andersen, përcjell arbresh.info.
Ashtu siç pritej norvegjezët e dominuan lojën dhe arritën të realizojnë dy gola të shpejtë nëpërmjet Ada Hegerberg, në minutat 21 dhe 23, derisa shifrat në 3:0 i çoi Frida Maanum, në minutën e 31-të.
Kosova e nisi mirë pjesën e dytë dhe arriti që përmes Erëleta Memetit ta ngushtojë rezultatin në 3:1, në minutën e 55-të.
Megjithatë, pesë minuta më vonë Hagerberg shënoi golin e saj të tretë në minutën e 60-të, derisa rezultatin përfundimtar, 5:1, e vendosi Celin Bizet Ildhusoy në minutën e 84-t. Pas kësaj fitoreje Norvegjia e përforcoi pozitën e parë në Grupin F, me 19 pikë, derisa Kosova mbetet e parafundit me katër pikë.
Ndeshjen e ardhshme Dardanet e zhvillojnë më 12 prill në “Fadil Vokrri” kundër favorites tjetër të grupit, Belgjikës.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite